କୋରାପୁଟର ପ୍ରସିଦ୍ଧ ଶୈବ ପୀଠ ବାବା ଗୁପ୍ତେଶ୍ଵରର ଐତିହାସିକ ରହସ୍ୟ
ଗୁପ୍ତେଶ୍ଵର ପୀଠର ମାହାତ୍ମ୍ୟ ତ୍ରେତାୟା ଯୁଗ ସହ ଯୋଡି ହୋଇଛି । କିମ୍ବଦନ୍ତୀ ଅନୁସାରେ ରାମାୟଣରେ ମହାପ୍ରଭୁ ରାମଚନ୍ଦ୍ର ମାତା ଜାନକୀ ଏବଂ ଲକ୍ଷ୍ମଣଙ୍କ ସହ ବନବାସ ନିମନ୍ତେ ଦଣ୍ଡକାରଣ୍ୟ ଯିବାବେଳେ ଏହି ବାଟ ଦେଇ ଯାଇଥିଲେ । ସେମାନେ ଏଠାରେ ମହାଦେବଙ୍କୁ ପୂଜା କରୁଥିଲେ । ଏଣୁ ଏହି ଅଞ୍ଚଳକୁ ରାମଗିରି କୁହାଯାଏ । କେବଳ ସେତିକି ନୁହଁ ,ରାମାୟଣର ସବରୀଙ୍କ ନାମାନୁସାରେ ଗୁପ୍ତେଶ୍ଵର ପାର୍ଶ୍ଵ ଦେଇ ଯାଇଥିବା ନଦୀକୁ ଶାବରୀ ନଦୀ କୁହାଯାଏ ।
ପଞ୍ଚଦଶ ଶତାବ୍ଦୀର ବିଖ୍ୟାତ କବି କାଳିଦାସ ରାମଗିରି ଅଞ୍ଚଳର ପ୍ରକୃତିକ ସୌନ୍ଦର୍ଜ୍ୟରେ ବିମହିତ ହୋଇଥିଲେ । ସେ ତାଙ୍କର ସୁ ବିଖ୍ୟାତ ଗ୍ରନ୍ଥ ମେଘଦୂତରେ ରାମଗିରି ବିଷୟରେ ବର୍ଣନା କରିଛନ୍ତି । କିଛି ଲୋକଙ୍କ ମତରେ କାଳିଦାସ ଏହି ଅଞ୍ଚଳରେ ରହି ମେଘଦୂତ ରଚନା କରିଥିଲେ ।
କିମ୍ବଦନ୍ତୀ ଅନୁସାରେ ବାବା ଗୁପ୍ତେଶ୍ଵର ଗୁପ୍ତ ଭାବରେ ରାମଗିରି ପର୍ବତର ଏକ ଗୁମ୍ଫା ଭିତରେ ରହୁଥିଲେ । ଥରେ ଜଣେ ଆଦିବାସୀ ଶିକାରୀ ଏକ ହରିଣ କୁ ଶିକାର କରିବ ପାଇଁ ତାହାର ପିଛା କରି ଗୁମ୍ଫା ଭିତରକୁ ପ୍ରବେଶ କରିଥିଲେ ଏବଂ ସେଠାରେ ସେ ମହାପ୍ରଭୁଙ୍କୁ ପ୍ରଥମେ ଦର୍ଶନ କରିଥିଲେ । ମହାଦେବ ଯେହେତୁ ସେଠାରେ ଗୁପ୍ତ ଭାବରେ ରହୁଥିଲେ ଏଣୁ ସେ ଶିକାରୀଙ୍କୁ ତାଙ୍କ ବିଷୟରେ କାହାକୁ ନ କହିବାକୁ କହିଲେ । ଯଦି ସେ କାହାକୁ ଏ ବିଷୟରେ କହିବ ତେବେ ତାହାର ମୃତ୍ୟୁ ସୁନିଶ୍ଚିତ ହେବ ବୋଲି କହିଥିଲେ । କିନ୍ତୁ କୌଣସି କାରଣ ବଶତଃ ସେ ସେତେବେଳେର ଜୟପୁର ରାଜା ବିକ୍ରମଦେବଙ୍କୁ ଘଟଣl ବିଷୟରେ କହି ଦେଇଥିଲେ ,ଏଣୁ ସେ ସଙ୍ଗେ ସଙ୍ଗେ ମୃତ୍ୟୁ ବରଣ କରିଥିଲେ ।
ଏହା ପରେ ଜୟପୁର ରାଜା ବିକ୍ରମାଦିତ୍ୟ ସୈନ୍ୟ ସାମନ୍ତ ଙ୍କୁ ଧରି ଗୁପ୍ତେଶ୍ଵର ଙ୍କୁ ଖୋଜିବାକୁ ବାହାରିଲେ । ସେତେବେଳକୁ ରାମଗିରି ଅଞ୍ଚଳ ଘଞ୍ଚ ଅରଣ୍ୟରେ ପରିପୂର୍ଣ ଥିଲା । ରାଜା ତିନି ଦିନ ପର୍ଯ୍ୟନ୍ତ ସେହି ଅଞ୍ଚଳରେ ଖୋଜାଖୋଜି କାଲେ କିନ୍ତୁ ମହାଦେବଙ୍କ ଲିଙ୍ଗ ପାଇଲେ ନାହି । ଶେଷରେ ଉପବାସ ରହି ମହାପ୍ରଭୁଙ୍କୁ ଅଧୀର ପଡିଲେ । ତାପରେ ମହାଦେବଙ୍କ ସ୍ଵପ୍ନାଦେଶ ଦ୍ଵାରା ଗୁପ୍ତେଶ୍ଵର ଲିଙ୍ଗକୁ ଠାବ କରିପାରିଥିଲେ ।
ଗୁପ୍ତେଶ୍ଵରଙ୍କୁ ଠାବ ପରେ ରାଜା ବିକ୍ରମାଦିତ୍ୟ ପୂଜା ନିମନ୍ତେ ପୂଜାରୀଙ୍କୁ ନିଯୁକ୍ତ କାଲେ । ଗୁପ୍ତ ଅବସ୍ଥାରେ ରହିଥିବାରୁ ସେ ଏହାକୁ ଗୁପ୍ତେଶ୍ଵର ବୋଲି ନାମକରଣ କରିଥିଲେ । ସେତେବେଳେ ସେଠାକୁ ରାସ୍ତା ନ ଥିବାରୁ ମାସକୁ ଥରେ ପୂଜାରୀ ଯାଇ ପୂଜା କରି ଆସୁଥିଲେ । କାଳକ୍ରମେ ସେଠାକୁ ରାସ୍ତାଘାଟ ଉର୍ନତି ହେବାକୁ ଲାଗିଲା । ଫଳରେ ବର୍ତମାନ ଭଗବାନଙ୍କୁ ପ୍ରତିଦିନ ପୂଜା କରାଯିବ ସହ ସେଠାକୁ ପ୍ରତିଦିନ ହଜାର ହଜାର ଭକ୍ତ ଓଡିଶା ,ଓଡିଶା ବାହାରୁ ଏପରିକି ବିଦେଶରୁ ମଧ୍ୟ ଆସି ଦର୍ଶନ କରୁଛନ୍ତି ।
Comments
Post a Comment